A' toirt thugaibh na naidheachdan teicneòlais as ùire

Seachdamh beta de iOS 9.3 ri fhaoitinn

2016-03-15

1 mion.

Chaidh an seachdamh beta de iOS 9.3 a’ sgaoileadh do luchd-leasachaidh le Apple Diluain.

Bidh iOS 9.3 na ùrachadh mhòr de dh’iOS 9 agus mar sin bidh e a’ toirt a-steach iomadh comharraidhean ùra.

Nam measg bidh Night Shift, comharradh a bhios ag atharrachadh speactram dathach an sgrìn gus am bi e nas fhasa ri leughadh air an oidhche.

A bharrachd air seo bidh comharraidhean ùra ann airson sgoiltean. Nam measg faodaidh sgoiltean cunntasan Apple ID a’ toirt dhan a h-uile sgoilear san sgoil gus am bi na sgoilearan comasach air logadh a-steach gu iPad sam bith san sgoil agus gheibh iad an obair aca fhèin air.

Bidh app ùr dhan luchd-teagaisg a bhios comasach air smachd a thoirt air na h-iPads aig na sgoilearan gus am bidh an clas a’ coimhead air an aon rud aig an aon àm. Cuideachd bidh luchd-teagaisg comasach air sgrìn sgoilear sam bith fhaicinn aig àm sam bith agus an sgrìn sin a glachadh le facal-faire gus deànamh cinnteach gu bheil an sgoiler ag obair mar bu chòir.

Thathar an dùil gum bi iOS 9.3 ri fhaoitinn dhan a’ mhòr-shluaigh 21mh Mhàrt as dèidh tachartas a bhios Apple a’ cumail aig an àrainn aca ann an Cupertino.

Faodar beachdan mun alt seo a chur thugam air Instagram no Twitter.

Cheumnaich Crìstean MacMhìcheil bho Sabhal Mòr Ostaig ann an 2010 le BA (le Urram) ann an Gàidhlig is Leasachadh. Tha ùidh mhòr aige ann an teicneòlas is e air iomadh làraichean-lìn Gàidhlig a chruthachadh thar nam bliadhnaichean, nam measg, tha Geidh.uk, Aimsir.info agus AbairThusa, a bha na chiad lìonra-sòisealta Gàidhlig.